اسلام آباد۔31اگست(اے پی پی)وفاقی وزیر اطلاعات و نشریات چوہدری فواد حسین آکھیے جو پاکستان افغانستان اچ امن چاہندے، سرحد اتے فضائی رستے توں غیر ملکیاں دے نکلݨ کیتے مدد جاری رکھی ویسی۔ اے ڳالھ انہاں اسلام آباد اچ وزیر اعظم عمران خان دی زیر صدارت تھیوݨ آلے وفاقی کابینہ دے فیصلیاں بارے میݙیا بریفنگ اچ آکھی۔ انہاں آکھیا جو ایں ویلھے صرف 42 امریکی فوجی پاکستان اچ موجود ہین جیڑھے تیکھے لڳے ویسن، افغانستان توں 10 ہزار 302 غیر ملکی ٹرانزٹ ویزے تے آئن، نیٹو اتے ایندے متعلقہ 9 ہزار 32 لوک آپݨے ملکآں کوں لڳے ڳین۔ وزیر اطلاعات آکھیا جو پورا ڄڳ ایں ویلھے پاکستان دے اقدامات اتے امدادی سرگرمیاں اچ حصہ ڳھنݨ تے تعریف کریندا پئے۔ انہاں آکھیا جو مختلف عالمی اداریاں نال رل تے افغان عوام دا ہتھ ونݙیسوں، امید اے جو 40 سال توں جاری افغان عوام دے ݙکھ مکسن اتے او سکھ دا ساہ ڳھنسن، اساں ہک مستحکم افغانستان نال آپݨے روابط ٻئے تکڑے کر سڳسوں۔ سیاسی صورتحال بارے انہاں آکھیا جو اپوزیشن انتخابی اصلاحات پڑھیاں وی نئیں اتے کوڑ تے ایویں حکومت دے خلاف محاذ کھولیا ہوئے کیوں جو اپوزیشن دا رویہ غیر سنجیدہ اے، ساݙی کوشش اے جو انتخابی اصلاحات کیتے اپوزیشن نال تھیوے جو حکومت انتخابات دا طریقہ کار غیر جانبدارانہ اتے شفاف ٻݨاوݨ چاہندی اے۔
افغانستان اچ امن چاہندے ہیں، سرحد اتے فضائی رستے توں غیر ملکیاں دے انخلا اچ مدد جاری رکھی ویسی، وزیر اطلاعات دی کابینہ اجلاس تے میڈیا بریفنگ
اسلام آباد۔31اگست(اے پی پی)وفاقی وزیر اطلاعات و نشریات چوہدری فواد حسین آکھیے جو پاکستان افغانستان اچ امن چاہندے، سرحد اتے فضائی رستے توں غیر...
مضمون کا ماخذ : جنگل وائلڈ
